Chesta paggena è stata leggiuta du' vote e mo è fernuta.
46
La sardella ’nche sentette
Rossa rossa se facette:
Pe lo scuorno che se pigliaje,
Sotto a no scuoglio se ’mpizzaje;
Ma la vecchia de vava Alosa
Subeto disse: ah schefenzosa!
De sa manèra no truove partito,
Te resta ’ncanna lo marito!
Se aje voglia de t’allocare,
Tante smorfie non aje da fare!
Fora se zeze, e fora lo scuorno!
Anema e cora e faccia de cuorno! —
Ciò sentenno, la sia Sardella
S’affacciaje a la fenestrella,
Fece n’uocchio a zennariello
A lo speruto ’nammoratiello.
Ma la patella, che steva de posta,
La chiammaje faccia tosta,
Tradetora, sbriognata,
Senza parola, malenata:
Ch’aveva chianto lo Latterato;
Primmo, e antico ’nammorato,
De carrera da chillo jette
E ogne cosa ’nce decette. —
