Chesta paggena è stata leggiuta du' vote e mo è fernuta.
98
Fenesta vascia.
(Napoli.)
Fenesta vascia e patrona crudele!
Quanta sospiri m’aje fatto jettare!
M’arde sto core com’a na cannela,
Bella, quanno te sento annomenare!
Oje, piglia la sperienzia della neve:
La neve e fredda e se fa maniare;
E tu comme si tant’aspra e crudele,
Muorto mme vedi, e non mme vuo ajutare!
Vorria arreventare no picciuotto,
Co na lancella, a ghi venneno aqua:
Ppe mme nne i da chiste palazzuotte:
» Belle femmene meje a chi vo acqua? «—
Se vota na Nennella, da là n’coppa:
»»Chi è sto Ninno, che va venneno acqua?««
Ed io responne, co parole accorte:
»So lagreme d’ammore e non e acqua!