SCENA VI.
LtnsA caminiera e detti.
Luisa, (dal di dentro) Oh Gesummina; che ncfè?
Ges. Volite asci no momento; v’ adimmo da dina parola.
Luisa. Sine, bella mia: (comparisce) che buò?
Ges. Chesta m’è ssora.
Luisa. Lo ssaccio, tene lo stesso nomme mio; lo sì Peppe lo patre vuosto mme V hjt ditto.
Lui-gio. E già che buje site accossì affabele, e cche ttutte nne diceno bene de la persona vosta...
Luisa. Figlia mia, è la vocca lloro, io sò la pevo de tinte.
Lui-gio. Io mme roenco dinto a li bbraccia de na bona amica. Sacciate che ppatemo mme vo dà pe mmogliera a no cierto Pulicenella.
Luisa. Sì. mme lo ccontaje ajere.
Lui-gio. E v' ha ditto ca isso primma...
Luisa. Aveva dato parola a nu signore, che se chiamma D. Errico... sì.
Lui-gio. Avite da sapè mo che sto D. Errico raprestaje a ppatemo 400 ducate pe ffarlo negozia, e gghiette fora a ttrovà lo patre sujo pe ppiglià lo conzenzo e agghiustà tutte l’affare suoje. So dduje anne che ppartuto e non eia scritto cchiù, ecco perché lo gnore, non ayenno avuto cchiù nnotizie de sto giovene, ave accettato lo partito de Pulicenella. Mo lo tentillo ch’ha fatto?
Luisa. Che ccosa?
Lui-gio. Che sto 0. Errico ogge è arrivato cca nzieme co lo patre.
