Chesta paggena è stata leggiuta.
— 3 —
ATTO PRIMO
Cortile con entrata nel mezzo: casina a dritta di Simone, e porta a sinistra ch’ è l’ ingresso dell’ abitazione di Maria.
SCENA I.
Luciella e Maria.
Luciella comparisce dalla casina e l’ altra dalla sua abitazione.
Mar. É ttornata Carmenella da Salierno?
Luc. Ah! manco pe ssuonno.
Mar. Chesto chedè? sonc’ otto mise ch’ è gghiuta da la sarta commara soja e non è ccomparza chiù: stesse malata ?
Luc. E cchì lo ssape? t’ assicuro Maria mia ca sto co no brutto penziero: a la fine è ghiutta pe na cosa de poco momento: pe se fa taglià e ccosere n’ auto corpetto e gonnella secunno lo costume nuosto.
Mar. Roba de na ventina de juorne .. assomma assomma de no mese vì: e Simone lo zio vuosto che ddice?
Luc. Simone! Simone! Marì non te sonnà de dicere chiù Simone. Don Simone, don Simone, nce vò no donno primmo gruosso quanto a la capo de Napole.
