te de na taglia, e dinto a n’anno cagnate dudece nnammorate,.. si, si... e io jastemmo lo momento che t’ aggio dato retta, puntigliuso, originale che ssì...
Err. Come?...
Mic. E battenne a ccancaro! (entra chiudendo violentemente la finestra) Essi: non ne pozzo cchiùl... Co no matrimonio appuntato... co na parola data, se mette ncampo na stizza tra sti ddoje famiglie, perchè? pe no puntiglio redicolo... pe na quaglia sparata primma o doppo!.. Chi lo ssente non po fa a mmeno de pigliarle a bbuffo.
SCENA VI.
Peppeniello, e detta.
Pop. (da dentro) Pozzo trasì co li gamme?
Mic. Chi è?... Uh Pepereniello, trase trase.
Pep. Signò signò... primma de tutto, apparecchialetne na ’ marenna, perchè io mo sconocchio pe la famma.
Mic. Uh povero piccerillo! staje diuno dajersera fuorze?
Pep. Gnemò.
Mic. Da primma raatina?
Pep. Gnernò.
Mic. E da quanto tiempo?
Pep. Da mez’ora.
Mic. Da mez’ ora, e già tiene famma!
Pep. LP uneca obbrecazione che aggio a ppatemo, è dd’ averme fravecato ncuorpo la lopa co ttutte li lupille attuorno, e ncoppa à sto fatto, iusto stammatina mm’ è benino
