ncapo na... na chelieta... commechiammate?
Mic. Na riflessione?
Pep. Gnorsì, na riflessione. Tenenno mente li palumme a la casa de la patrona, ossia la principale D.a Mariella, no matrèame vi; perchè Mariella se chiamma la principale, e Mariella se chiamma la giovane...
Mic. Aggio capito, appriesso mo, che buò dicere de li palnmme?
Pep. Aggio visto ca Io patre, ossia lo palummone, a pprimma matina magna a zzoffunno, e ba correnno correnno a mmettere mmocca a li palummielle lo mmagnà che ha mmagnato, e da lo cannarone sujo, lo cannaronèa dinto a lp cannaronciello de li figlie: a ttardo pò se nne va tomo tomo a gghiencherse la vertola isso. Io subeto nn’aggio tirato la... ajutateme a ddicere... la...
Mic. La costruzione..
Pep. fusto accossì, la stazione. V appetito che ttenco da primma matina nzì a mmiezo juorno, serve pe li lupille; l’appetito da miezo juorno nzì a lasera, serve pe la lopa che mme sta ncuorpo; e pperzò, secunno la regola che mm’aggio fatta...
Mic. Da la matina a la sera haje da fa una tirata, aggio capito... Ah, ah, ab I tu saie ca sì aggraziato co sti smoccarie che ddice?
Pep. Quanno ve volite smocchiare, ve smoccoleo io... (in tuono supplichevole) Ne, chella marenna che v’aggio priato...
Mic. Mo: dimme primma, che ssì venuto a ffa?
Pep. So benuto pe... so benuto pe... pe...
