pe sta faccia è na gran stella—lo ddicette porzi Pulicenella.
Don. Sè, accommenzame a stona co sii vierze... la pojetessa de la trippa cotta... Vi Uà vi! (contemplando con disprezzo il suo viso) Fuss’ aeciso muorto e buono chillo scortecone de mariteto! era de bello genio!... ah, te cride de trova lo secunuo ciuccio che te sposa? e cchisto è lo fatto; li matrimmuonie mo se fanno co li rrecchie: primma se sente la dote, e po se squatra la figliola.
M.gi. (PacLenzia non me lassà!)
M.pr. E battenne mo, feniscela co sta lengua mmardetta...
Don. Mme ne vaco, se, mme ne vaco... Io mm’ abbio a lo Pascone pe ccaccìà quaccosa, magnarraggio da chelle pparte; fatica e stasera famme trova na pezza, (a Mariella giovane, con disprezzo) Appojalibà, buongiorno, (via)
M.pr. (indispettita) Oh! e ttutto inutile; io nce aggio da trova no riparo pe sto fatto... gnernò, non boglio perdere cchiù la salute mia nnante a sto mpiso de frate.
M.gi. Ma vuje avite visto co cche prudenzia mm’aggio surchiato chelle quatte caramelle pe la tosse! che ve credite ca femmena e bona non m’abbastava ll’anemo de farle na faccia de schiaffe? Pe chi a^gio ausato fremma? juste pe bbuje, mo e lo fatto.
M.pr. Lo ssaccio, lo ssaccio Mariella mia; tu tiene lo stesso nomme mio, e ssaccio quanto mme vuò bene.
M.gi. (con enfasi di speranza) Eh! si lo Cielo facesse abberà chello che tten^o ncapo...
