SCENA II.
Pulcinella vestito come nell’atto secondo, c dotti\
Pul. Se non mi schifale canto io,., tenco no brini a pasta quagliata...
Pan. Ne si miè?...
Pul. Miedeco! chi è mmiedeco? quanne maje so stato miedeco? io so lo giovene de lo Saloni» Francese.
Ant. Sangue de na forbice de Campobasso! e poi chè sì benuto ccà?
Pul. So bennto pe ve salà a quanta site.
Pan. Ma lo miedeco ch’ è benuto a la casa nosta, te fosse gemello?
Pul. Mme fosse ciaramella! comme sì proprio zampogna!
Ans. Ma nzomma perchè sì benuto cca?
Pul. Pe ve dicere ca mo vene D. Federico lo prin’ cipale mio, eh" è stato mmitato da D. Anzelmo.
Ans. Che sia il benvenuto.
Ant. Comme! comme! D. Federico cca? non sia pe ditto, maje e ppo maje. (a Pul.) E si tu pure non te ne vaje, cca stesso te scoffo.
Pul. S’ è ccapito. (si leva il soprabito e prende le pietre da sotto il gilè) Fati’ arreto. (mettendosi in atto di tirarle ad Antonio)
Ern. Signori miei. (gridando)
Ans. Crianza bonora!
Pan. Che simmo arrivate abbascio a li fuosse?
Pul. Ma quanno ammettite sti sciorte de bestie, uno s’ ha dda regolà co tutta ir educazione.
Ans. Oh! (guardando a sinistra) Ecco D. Federico, favorisca,
