Paggena:Altavilla - Nu turtaniello ca nzogna.djvu/14

Chesta paggena nun è stata leggiuta.
— 14 —

scio steva lo signorino, e là marèa steva proprio a sta fenesta.

Rip.Yì che ccombinazione! e cchisto era lo cavaliero de la mignògnera che se sposaje la bonarma de flgliema.

Eli. Sì, sì; teneva IP uso de farse polizza li stivale abbascio a lo cafè.

Rip. Pure originale a cchesto!

Giu. (infastidito) Mammà, e ccomme site! lassatelo parlà!

Rip. E già, la parte offesa si risente; te voglio fa risentì io co ddoje ponia a li mmascelle.

Giu. (fremendo dice a Men.') Appriesso, appriesso.

Men. No, si ncaso maje avìssevé abbuscà, io aspetto.

Giu. Vuò parlala bonora!

Men. Eccome ccà, non ve nzurfate: doppo polizzate li scarpe, lo signorino va a annettere la mano dinto a lo gilè e non se trova denare ncuollo.

Rip. Lo ssoleto già, sempe steva sbattuto.

Men. Gnernò non po essere, perchè lo juorno appriesso pure se facette polizzà li stivale e mme rialaje na pezza.

Tur. Na pezzal

Men. Già, é ppe cchella pezza me trovo a esercita sta mercanzia tortanellatoria, e ppe ffarme guardà de buon occhio dal prubbico trovaje sto motivo: (mette la voce come sopra) Nu turtaniello ca nzogna.

Eli. Ebbiva lo cavaliero! pò non Tè visto cchià?

Men. Sicuro; me mparaje la casa, He so gghiuto a ppolizzà li stivale ogne gghiuorno, e mmo ogne matìnà vaco a pportà li turtanielle a lo guaglione. Io saccio lo nomine sujo...