Quanta ricorde! E che malincunia
mo eh' è Natale e cttiove, e nun te sento
voce
’e zampogna mia
malinconica e docel
Tu m’ addurmive ’nbracci' a mamma, sempe;
tu me mettiste 'o core ^sentimento,
tu chiagnere m’ hè ntiso, ’e chisti tiempe,
nnanz’ ’o ’Presebbio», addò, cumm’ ’o « pastore >,
pur’ io credette e ce lassai 'stu core 1
Tutto passa a ’stu munno! E tu, fra tante
cose, tu pure si’ passata e morta!
Napule che lle mporta?
Si mo chiove e se sente 'stu sapore ’
d'aria gelosa e nfosa,
si mo ll’aria è pesante,
dimane tutto è addore
'e «pigne», «mandarine» e « legnasante »...
Ride na faccia for’a nu balcone,...
e na manella freddigliosa e pronta
sponta
’a vicin' a nu crocco nu mellone...
Tutto fernesce! E tu, ca mai cchiù tuorne,
zampugnaro d' 'a casa addò so' nnato,
dimme, viecchio, che fai dint'a ’sti juorne?
Da tant’ anne stampato
te tengo rtnanz’a ll'uocchie:
faccia ’ncantatae gialla,
cu ’a capa 'int' a na spalla,
ciunco dint' 'e ddenocchie...
Dimme: ’a miseria nun te n’ ha cacciato
d’ ’a « pagliara » ca « tata » te lassaie?
