RITORNO.
A S. E. Armando Diaz.
Arrivàino ’a ntrasatta isso e n' amico,
verz’ ’e sseie d’ ’a matina.
Figurateve ’a mamma! ’A puvurella —
ca proprio allora allora
aveva apierto ’o vascio e aveva misa
na seggia fora
pe’ spànnere na maglia e na cammisa —
steva luvanno ’a copp’ ’a furnacella
’o ccafè « à munachina »,
cchiù, gustuso e senzuso all’uso antico:
cunfromme se vedette ’o figlie nnante,
essa accussi gravante,
Ile venette na mossa mmiez’ ’o vico 1
’A risturàino; ’a voce se passaie,
e che vediste attuorno a chillu vascio!
Tridece mise ’e «fronte»; l’importanza
ca teneva ’a famiglia
da quann’ isso — a vvint’ anne!... — addeventaie
... cumme se dice? «... ’o capo d’ ’a paranza...»:
che maraviglia
ca se scasaie nu vico ’a copp’ a bbascio?...
