CONFIDENZE.
Quanno parla cu nimico’ a guardaporta
dice « ca mo, pe graz’ 'e Dio, rispira i
tene ’o marito ó fronte — nu marito
ch’ era nu figlio ’e bona crestTana
ca nun 1’ ha fatto mai vedè na lira:
femmene e vino dint’ ’a cap’ ’e morta,
e nu pigno ’a semmana
p’ ’e tierne e pe’ ’e qquaterne ’e ll’« assistito \
tene ’o figlio — ammunito e survigliato! —
ch’ è prigiuniero; tene tre zetelle:
tridece, dicessette e vintun’ anne,
dint’ ’o Pruiettificio è Funtanelle;
n’ atu figlio, bardascio, 1’ ha mpezzato —
cu na forta maniglia ’e nu ngigniere —
apprendista ó cantiere,
e ’a puverella nun ce sta ’int’ ’e panne
quanno ó sabato arape ’o teraturo:
e ll’ introito è sicuro:
’o figlio porta «tanto », ’e ffiglie «tanto »,
sussidio ’e Municipio assicurato:
