Chesta paggena nun è stata leggiuta.
— 89 —
PASCA RUSATA.
Sta venenno l'Està!..
Può arapì nu barcone, na fenesta,
ca 'o viento nun t’ ’e nzerra...
Nu cchiù mare ’ntempesta,
mbrielle apierte, smerzate
e vient' 'e terra...
Sta venenno l’Està!..
Mo t' affacce e risciate,
risciate, finalmente,
n' aria cchiù doce,
ca fa cchiù allera 'a gente,
ca fa cchiù allere ’e vvoce
d’’e venneture e mette 'int' ’e parole
d'ammore cchiù curaggio;...
ca fa paré Pusilleco
cchiù verde già, cu’ ’e ttavulelle pronte...
E che Sole... che Sole..
(Passa nu « quatt1 ’e Maggio ’
’
pe’ nu casino a Sant’Antonio ’o Monte.
Sta venenno l’Està t..
