Chesta paggena è stata leggiuta du' vote e mo è fernuta.
91
ariette nove
M’ha lassato. E sì, va bene…
Mme disprezza — sta cu n’ato —
mm’ha traduto — mm’ha cuffiato —
c’ aggia fa? Mm’aggia sparà?
Si mme sparo e po’ che dice
sta simpatica vicina
ca è antipatica a Nannina,
e già stà pe s’abbuccà?…
Mìerolo, ca mo tuorne a fa stu sisco,
si’ fino! Mme vuo’ di’: «Mo ll’ ’e’ ncarrata!
Nannina è nfama? E tu miettela ’o ffrisco.
Chesta è mmeglia ’e chell’ata!..».
