Chesta paggena è stata leggiuta du' vote e mo è fernuta.
39
canzone nove
Serenata a na vicina.
Viuline, accumpagnateme nzurdina,
e vuie, chitarre, nun ncasate ’a mano:
porto sta serenata a na vicina
ca lle piace d’ ’a sentere ’a luntano.
Mm’arraccumanno: ’a musichetta è fina…
’O coro - zitto zitto e chiano chiano -
’o coro ha dda di’: «— Bella!
«Cchiù bella ’e tante ate!
Scusate,
e cumpatite
chesta serenatella…».
E tu, luna sincera,
luna janca e gentile,
tu falla ntenerì!
Stammo int’Abbrile….
