Chesta paggena è stata leggiuta du' vote e mo è fernuta.
41
canzone nove
Na casa mm’aggia fa…
Na casa mm’aggia fa ncopp’’a muntagna,
e nu ciardino c’’o milocutugno,
cu na spallera ’e giesummine ’e Spagna
tutta nzertata cu rose sanguegne!
E ce voglio iettà, p’’a fa cchiù degna,
’e dudece carri senza sparagno!
Oi, llà llà!
E chi ’a ngegna
dint’Abbrile
chesta casa signurile,
chesta casa accussi bella?
Catarenella!
