Chesta paggena è stata leggiuta du' vote e mo è fernuta.
Lassammo fa’ Dio…
’A dummeneca ’e Pasca
d’ ’o mille e noveciento, ’o Pateterno
(ca s’è susuto sempe int’ ’e primm’ore)
di buonissimo umore
se scetaie mmerz’ ’e sette,
fece chiammà san Pietro e lle dicette:
«— Pie’, siente, stammatina
è na bella jurnata
e ll’aria è fina fina:
vurria fa na scappata
n’Terra… Che te ne pare?»
«— Mah! — dicette san Pietro —
(santo napulitano e, m’Paraviso,
capo guardapurtone) —
«— Mah… Lei siete il padrone!
Vulite vedé ’a Terra? E fate pure…
