Chesta paggena è stata leggiuta du' vote e mo è fernuta.
63
lassammo fa’ dio…
Mammarè, ringrazia Dio…..
Nanninella ’a pezzente
guardaie ccà, guardaie llà, s’urizzuntaie,
e truvaie finalmente
’a via d’ ’a casa soia. Sunava ll’una
a Sant’Eliggio. E dint’ ’o vico scuro
sciuliava ncopp’ ’o muro
nu raggio ’e luna.
. . . . . . . . . . . . . . . .
«— Ninno!
Ninno!
Sto ccà!… Mamma è turnata!….».
E ’a porta, mez’aperta e meza nchiusa,
’e nu vascio vuttaie cu na spallata.
Trasette ’e furia. Currette addó steva
nu piccerillo dint’a nu spurtone…
S’acalaie…. Chillo povero guaglione,
c’appena appena teneva nu mese,
sennuzziava, cu ’e manelle stese….
