Giac. Niente, frate, si me cride,
Stongo asciutto comrn’a n’uosso,
Ma mperò se magne e ride,
Sempe alliere nzanità.
A due A stu pietto mo te strigne,
Frato bello de stu core,
Vero affetto, puro ammore
Nfra de nuje se sta a trovà.
Nè che fanno li denare,
Quanno mpietto arma non tiene,
Che a nisciuno faje bene,
E te fa.je jastemmà?
Sulo chesta è gioja vera,
Che te sazia, e t’abbotta,
Schiatta, crepa, e fa na botta,
Chi mò non la po godè.
Giac. E che s’ave da fa, le guaje nce secutano, li diebbele nce perseguitano, li tasse nce carfettano, ma nuje sempe allegre; sta vita è no sciuscio, e s’ ave da piglia comme vene.
Nic. Si te la pigile comme vene; tu ogge staje diuno, e te la pigile comme vene; dimane Ili patrone de casa te manna na citazione che vo lo pesone, e te la piglia cornine vene; doppo dimane chillo che avanza da te, te mette da dinto, e tu te la piglie comme vene; e che ave da veni lu cancaro!
Giac. Nfaccia a te sta brutta bestia; e tu sa che buò fa, pigliete collera, nghitteghisce, miettete a lu lietto e muore, pare che accussi po passe no guajo e buono.
Nic. Aje ragione; è meglio che non se nce penza e che se piglie lu munno comme vene, pecchè si no è’peggio. Ma, Giacomi, dimme na cosa, Celestina stà bona?
Giac. Lo vi, mo ave fernuto de paria de miseria, e tribulazione, e subeto penza a la nnamDiorata.
