Chesta paggena è stata leggiuta du' vote e mo è fernuta.
COPPOLA-ROSSA
Gennarino Sbisà, Coppola-Rossa,
nfaccia ’a zumpata nisciuno l’appassa!
Si tene contro pure ’a truppa a massa,
tira mana, e fa sempe ’a stessa mossa.
Te mena ’a curtellata a scassa-scassa,
sott’ ’o prummone, ca te vene ’a tossa;
te fa sputà nu poco ’e scumma rossa,
te vere carè nterra e po’ te lassa.
Gennarino era ggiovane ’e chianchiere,
ma mo’ l’hanno cacciato cammurristo
pecchè è suggetto ca po’ fa ’o mestiere.
È nu canzirro troppo malandrine:
pe nu capriccio ca vo’ parè nzisto,
te va piscanno a Cristo int’ ’e lupine!
9
