Paggena:Il mastro di forgia - Raffaele Viviani - 10 commedie.djvu/6

390

Raffaele Viviani

PEPPENELLA — (la osserva attentamente, le chiede) — Vuie avit’ asci’^[1]?

CARMELA (è ritornata al balconcello) — Si, tengo che ffa’^[2]!

PEPPENELLA — …Embé, e p’ ’a chiave, comme facite?

CARMELA — Resto apierto! (Con stizzosa ironia) Statte attiento: s’arrobbano^[3] ’o tesoro ’e San Gennaro. (Pausa) Tu, quann’he fatto, lassa ’a caurara^[4] ’ncopp’’o ffuoco, appanna^[5] ’a porta, e fa’ ’e fatte tuoie. Si ogne tanto te ricuorde, ce viene a da’ n’uocchio^[6] (Pausa).

PEPPENELLA (interrompendo il suo daffare al fornello) —…E vuie nun l’aspettate a Don Giuvanne?

CARMELA — No! Aggi’ asci’! Tengo che ffa’! Aggia piglia’ aria! Ccà se more^[7]!

PEPPENELLA (con la ventola in mano, come un’imbambolata) — Ma avite fatto chiacchiere^[8] cu Don Giuvanne?

CARMELA (sprezzante) — E sì, facevo chiacchiere! Tenevo tiempo ’a perdere! (Pausa).

PEPPENELLA — …Na paletta nun ce sta, pe’ scava’ nu poco sta cennere?

CARMELA (senza guardarla) — No. Fa cu’a maneca^[9] d’’o ventaglio.

PEPPENELLA — …E proprio comme ’o ditto^[10]: «’A casa ’o ferraro, ’o spito ’e lignammo^[11]!».

CARMELA — E che nne vuo’ sape’? Cca ce manca tutto cosa!

PEPPENELLA — …’O mmagna’^[12], nun credo…

CARMELA — Eh! e si arrivata cu ’o mmagna’! (Pausa).

PEPPENELLA (che ha cercato invano sul piano del focolare) — ’E fiammifere addo’ stanno?

CARMELA — Llà! (Li mostra sul tavolo. Peppenella accende della cartaccia, vi mette su dei piccol pezzi di carbone, che prende da un recipiente sotto il focolare, e comincia a sventaghare. L’altra appare sempre più agitata.
Guarda ancora nel vicolo, poi, come colta da un pensiero, che le viene suggerito da un malcelato senso di rimorso) Peppene’… (La ragazza si volta)
… Anze, sa che vuo’ fa’? Si vene maritemo, ca ce staie ancora, e te spia ’e me^[13] tu ce ’o ddice: «Donna Carmela è scesa».

PEPPENELLA — …E si isso me addimanna^[14] addo’ site juta^[15]?

CARMELA — Ce ’o ddice: «Nun saccio niente!». He capito? (Con intenzione, insistendo) «Nun saccio niente»!

1. avit’‘asci': dovete uscire.
2. tengo che ffa': ho da fare.
3. s‘arrobbano: potrebbero rubare.
4. ‘a caurara: la caldaia.
5. appanna: socchiudi.
6. A da’ n’uocchio: a dare uno sguardo.
7. se more: Si muore, non si respira.
8. avite fatto chiacchiere: avete avuto un litigio.
9. 'a maneca: il manico.
10. 'o ditto: il proverbio.
11. «’A casa ’o ferraro, ’o spito ’e lignammo!»: nella casa del ferraio, lo spiedo di legno!
12. O mmagna’: la roba da mangiare.
13. ’te spia ’e me: ti chiede di me.
14. addimanna: domanda.
15. addo’ site juta: dove siete andata.