Paggena:L'Eneide di Virgilio Marone trasportata in ottava rima napoletana.pdf/476

Chesta paggena è stata leggiuta.
523
Dell’AneideCanto v.


125.

Mà che? pe no terribele succiesso

Tutte pe lo spaviento se jelaro;
E sù no malo agurio, e poco appriesso
Se vedde lo negotio chiaro chiaro.
l’Astrolache ne fecero prociesso,
Si bè tutte la coda se toccaro,
Sai quanno ogn’uno pò l’annevinaje?
Quanno apprieso l’armata s’abbrusciaje.

226.

’Nntrà le nuvole appena fù arrivata

La saetta d’Aciesto, eccote chella
Pigliaje fuoco, e de fuoco semmenata:
Dereto se lassaje na stratolella:
’N fummo dapò sparette, e speccecata;
Pareva à tutte d’essere na stella,
De chelle, che la notte sciuliare
Vide pe l’aria, e subbeto sbafare.

127.

Venne à tutte lo jajo: e no fracasso

S’auza p’ogne cantone, e addenocchiate,
Tutte diceano; o Giove, sia da rasso
Da nui lo malo agurio pe pietate.
Sulo Anea voze fare lo smargiasso,
E disse; alliegre; eilà: che asenetate!
Chisto e no buono agurio, e tutto alliegro
Aciesto abbraccia, e dice io me rallegro.

128.

E giache co sta chelleta lucente

Mostra da cielo à nui lo gran Tronante,
Ca tu sulo si digno de presiente,
Trattare te voglio io da trionfante.
Sto becchiero te dono: tiene mente
Che ’ntaglio d’oro nobele, e galante!
’N tavola spisso ne vedea lo funno
Patremo, ch’haggia requie all’autro munno.

Quam