Paggena:La Divina Commedia Napoletano Domenico Jaccarino-Nfierno.djvu/140

— 142 —

E a guardà Carisenda chi sta jenno,
La vede storta e quase llà abboccata,
Tanto che da no lato va pennenno;
Antejo llà mme pareva a la spartata
E acalanno se steva, e io pò tanno
lire avria voluto p'autra strata;
Ma a lo funno da llà nce va accostanno,
E nfra Giuda e Lucifero posaje,
Ma llà non stette assaje tutto acalanno,
E comm'arbero lesto s'aizaje.

CANTO TRENTADUIESEMO ARGOMIENTO

Dinto a chisto canto Dante jenno a la primma parte de lo nono e urdemo circolo, chiammata Caina trova a Arberto Cammesone de li Pazze, lo quale lle parla de l'autri dannate, che tradettero a li pariente, e che ccà dinto veneno casticate. Dinto a la seconna parte chiammata Antenora addò songo casticate li tradeture de la patria, trova a Vocca e a l'abbate de Vallombrosa, lo quale l'ammosta a paricchie autre dannate.

Se io tenesse li vierze aspre e abbrocate
Comme a sto puzzo se commenarrìa,
Addò stanno autre munte accatastate,
Lo zuco mio io lesto spremmarria
Cchiù de primma, ma già che mo non l'aggio,
Co paura mo piglio st'autra via;
Nn'è ffàcele a aizà chisto viaggio
De lo munno venì tutto parlanno,
Nè co lengua guagliona io parlarraggio.
Ma le Mmuse 'mperò mm'ajutarranno
Comm'Anfione stèttero a ajutare,
E stisse fatte a lo pparlà sarranno.
Popolo vascio che non saje parlare
Malo-criato a chisto luoco adduro!
Meglio essere le ccrape a ppascolare