Chesta paggena è stata leggiuta du' vote e mo è fernuta.
17
ARGOMIENTO.
|
CANTO PRIMMO.
I
O canto commo belle, e vertolose
- Sò le vaiasse de chesta Cetate
- E quanto iocarelle, e vroccolose
- Massema quanno stanno nnammorate,
- Dirraggio po l’autre isce belle cose
- Che fanno quanno songo nmaretate
- Ma non faccio li vierze ntoscanese
- Azzò me ntenga onn’uno à sto paese.
Haggie pacienzia pe no poco ò Musa
- S’io te dongo la corda, ca besogna
- Sore mia bella fare commo s’usa
- Pe non essere ditto, ò che bresogna,
- Hoie è peo stare co la vocca chiusa
- Ca la zella, la gliannola, e la rogna,
- Perzò nesciuno à Napole nce resta
- Che scache la carta co la ngresta.
Per-