Paggena:Lo cunto de li cunte - Tomo I.djvu/253

253

Jornata II.

     240Vede, se va de notte a la taverna,
     Pocca pe l’ossa luce la lanterna.
Col. N’ommo sta reterato,
     Né pratteca co guitte e co vernile,
     244Euje le scommerziune.
     Non vo doglie de capo.
     Non volo dare cunto
     A lo tierzo, a lo quarto.
     248Vive sempre quieto.
     Patrone de se stisso.
     Non ave chi lo sceta, quanno dorme,
     Né le conta li muorze, quanno magna;
     252Puro, ne’ è chi lo togne,
     E lo chiamma foriesteco e sarvaggio,
     Na merda de sproviero.
     Che n’adora, ne fete,
     256No spurceto, no nsipeto,
     Rusteco, cotecone,
     N’ommo senza sapore, e senz’ammore,
     Sciaurato, bestiale,
     260Catarchio, maccarone senza sale!
Mar. felice chi stace a no desierto,
     Ca non vede, né abbotta;
     Dica chi vele, io trovo
     264No mutto assai provato:
     Meglio sulo, che male accompagnato.
Col. Ma, pò, dall’autra banna.
     Trova no commerzevole.
     268Che se fa carne ed ogna co l’ammice:
     No buon compagno aifabele,
     Che tratta a la carlona;
     E, co sta tenta, chi lo crederria?.
     272Trova chi lo retaglia, e forfecheja,
     Cose e scose, e lavora a pilo mierzo,
     E le face la causa da dereto;