Chesta paggena è stata leggiuta du' vote e mo è fernuta.
— 8 —
D.A. Vero ammico!
D.C. E cchi te piglie?
D.A. Donna Chiarina.
D.C. Chella fegliolella,
- Che ba sempe terata a quatto spingole?
D.A. Gnorsì.
D.C. La figlia de Don Beneditto?
D.A. Nce aie nnevenato, signorsì.
D.C. La sora
- De no cierto… no cierto Don Peppino,
- Che fa lo guappo, e ffete d’esse acciso?
D.A. Iusto chesta. Don Ciò, tu che ne dice?
D.C. Dico, sposala craie.
D.A. Ma saccio scegliere?
D.C. Canchero! e ccomme!
D.A. Ammico. me consuole:
- Tu lo primmo sarraie de li mnmitate.
D.C. Verraggio in abbigliè, co spata e bborza.
- Pe mmo t’aggio a llasare.
D. A. Statte buono, e ggovernate.
D. C. Bonnio.
- (Co chess’arucolella de semmenza
- Che te piglie pe sposa,
- Vuò sta frisco, compà, comm’a na rosa.)
