Chesta paggena è stata leggiuta du' vote e mo è fernuta.
— 20 —
SCENA DECEMA.
Mariaccia, Talanella, e Dditto.
M. Lo treppete, e lo spito.
T. Bona ggente, sta ccà la zincarella.
D.A. Venite ccà: sapite nnevenare
- La ventura a cciammiello?
M. Sissignore.
T. Ma comme! Vasta schitto che nce auzate
- Ll’uocchie nfacce.
M. Ma fitte, e ssenza sbatterle.
D.A. Veccole ccà.
M. La mutria pare bona.
T. Mutria che dice, e cche prommette assaie.
M. Fuorze te sposarraie.
T. Ma co qua nenna!
M. Allegra, acconcia, cianciosella, e bella.
D .A. Tutto chesto va buono, ma sarraggio
- No marito asciortato, o desperato
- Da mmesurare no barcone, o puro….
M. No barcone?
D.A. Gnorsine.
T. Na fenesta?
D.A. O fenesta, o barcone, astreco, loggia,
- La Mmalora de Chiaia, che ve gliotta!
M. Comme site pastuso, bene mio!
