Chesta paggena è stata leggiuta du' vote e mo è fernuta.
— 21 —
D.A. Me nzoro, o non me nzoro?
T. Quant’è ccaro!
- Se nzora, o non se nzora?
D.A. Eh iatevenne,
- Fattucchiare mpechere…..
M. Comme strilla?
- Zito, e non zito mio,
- Nuie nce ne iammo sa? Bonnì.
T. Bonnio.
SCENA UNNECEMA.
D. Aniello sulo.
Eh squagliate a ddeiavolo!
Me chiantano accossì comm’a no cavolo.
Senza dirmene nè aseno, nè bestia?
Ma chi veco? È la zita: m’annasconno.
Se ne vene parlanno sola sola:
Sentimmo che bò dicere;
E, ssi accorre, la manno a benedicere.
