Chesta paggena è stata leggiuta.
20
eduardo scarpetta
Pasc.E ca chillo e hi guaio! So' cinche mesate che avanza, e addò se pigliene ciente e diece lire? Chillu povero Feliciello sta arruinato peggio de me, cu chella vita che fa da la matina a la sera, cu chillo tavolino sotto S. Carlo! So’ passato da llà verso l’una, l'aggio trovato tutto arrugnato, muorto de friddo, e fino a chell'ora nun aveva scritto ancora na lettera.... M'ha cercato nu muzzone de sicarro, e io nun lu teneva manco! — (di dentro suona il campanello). Ah, chisto sarrà isso! Va' arape Pupè.
Pup. (va ad aprire, poi torna). E’ Peppeniello, lu figlio de D. Felice.
SCENA VI.
Peppeniello e detti; poi Felice.
Pepp. (ragazzo di otto anni, veste miseramente, ha un volto pallidissimo) Buongiorno.
Pasc.Guè, Peppeniè, pateto quanno vene?
Pepp. Mò vene, l’aggio lassato che steva arricettanno lu tavolino.
Pasc.E tu pecchè staie accussì, che è stato ì
Pepp. Che ha da essere D. Pasca!.. Primme de tutto me more de famma!
Pasc.Guè, tutte de nu culore!
Pepp. Stammatina che aggio fatto marenna? Duie casatielle, quatte pizze fritte, e nu soldo de sciuscelle.
Pasc.Scuse!
Pepp. Pecchè so’ghiuto a truvà lu cumpare, e isso me l’ha accattate, si no adderittura starria diuno. E
