Chesta paggena è stata leggiuta.
35
miseria e nobiltà
zitta, sà!... Nun parlà de chella femmena, pecchè si no me faie fa lu pazzo!
Luis. Vattenne, faie lu pazzo! Tu nun haje fatto maie niente!.. Isso fa lu principe, chella fa la cuntessina, e ccà rimmaneva la serva lloro.
Conc Nun nc'era niente de male!.... Quanno se vo' bene a n'ommo se fa tutto.
Luis. Tu statte zitta tu, pecchè a te te tengo ncanna!
Conc. A mme me tiene ncanna? Vattene, ca io cu ttico nun me voglio appiccecà, pecchè me sporco li mmane!...
Luis. E sporcatelle sti mmane, famme stu piacere!
Pasc. T'aggio ditto tanta vote, tu nun risponnere! Quanno stongo io nnanze, tu statte zitta!
Luis. E sicuro!... Quanno nce sta l'ommo, ha da risponnere l'ommo (ride).
Pasc. Pecchè, scusate, D.a Luisè, io nun songo ommo?
Luis. E sicuro!.. Quanno nce sta l’ommo, ha da risponnere l’ommo (ride).
Pasc.Pecchè, scusate, D.a Luisè, io nun songo ommo?
Luis. Jatevenne, ommo! Nun nce vo’ niente cchiù!
Pasc.Felì, agge pacienza, chesta insulta, e io nun voglio passà nu guaio!
Conc. Ma quanno tu vuo’ passa nu guaio, quanno? N’auto marito a chest’ ora l’ avarria già scummata de sango a chella!
Luis. (gridando) A chi scumme de sango, a chi?
Fel. Chiste po’, ve dico a buie, nun so’ cunsiglie che li dà na mugliera bona! (Pupetta sta in mezzo, ed ora trattiene l’uno, ed ora l’altro) Scumme de sango, e nun scumme de sango... Pascale nun è ommo de passa guaie!
Pasc.Addò, quanne maie!
Fel. A te po’, quanne è dimane, me voglio vennere
