Chesta paggena è stata leggiuta.
61
miseria e nobiltà
Eug. E si capisce! I miei parenti non danno la mano se non c’è il guanto.
Gaet. Fortunatamente ca tengo nu pare de guante! (tira fuori un paio di guanti dalla saccoccia, e se l’infila frettolosamente).
Eug. Dunque, io vado, mi raccomando! (via pel fondo a destra).
Gaet. Sangue de Bacco! Questo è un grande onore, figlia mia fortunata!.. S’avarria da levà st’ammuina da miezo. (gridando). Vicienzo!... Biase!...
Viciè. Comandate, cavaliere eccellenza!... Io stongo vestenno lu guaglione.
Gaet. Che guaglione e guaglione!... Se ne parla doppo!.. Levate sta rrobba da miezo!... Stanno saglienno principe, marchese, contessa, tutta la famiglia de D. Eugenio!
Viciè. Vuie che dicite?! Stanno saglienno?... Io ve ll’aveva ditto, caspita! (Biase porta via; una per volta, tutte le corbeilles di fiori).
Gaet. Mettiteve li guante!.. Guante ne tenite?
Viciè. Addò li pigliammo, signò?
Gaet. E nun mporta!... Vicié, tu va te miette vicino a la porta, accussi, dritto comme a na sentinella.
Viciè. Nun nce penzate, lassate fa a me! (via pel fondo).
Gaet. Bià, tu miettete ccà, vicino a la porta, e nun te movere... Quanno io te chiammo, ricordete cavaliere, eccellenza!
Bias. Va bene, nun dubitate.
Gaet. Accussi, dritto, e nun te movere, sa!
Bias. E si me vene nu sternuto?
Gaet. Nun t’hanne da veni sternute, e si te venene te
