Chesta paggena è stata leggiuta.
74
eduardo scarpetta
bona, a ccà a n’ auto ppoco nce vedimmo... Amami, sà... amami, sà..
Pasc.Amami sà!... Embè, io vi ho pregato che sono il padre!... Scusate, diteme na cosa, voi chi siete?
Luig. Io sono un giovine ricchissimo, posso fare la fortuna di vostra figlia... (prende Pasquale a braccetto, e, discorrendo insieme, vanno via per la porta che conduce in giardino).
Fel. (avvicinandosi a Pasquale, mentre questi va via) Pascà, cumbina! Tu staie a li piede de Pilato!
Eug. Cara Gemma, non puoi immaginarti come sono contento.
Gem. E io pure; ma nun saccio comme m’aggio mantenuta la risa.
Fel. Stammece attiento però, pecchè si papà se n’addona, nuie l’avimmo na cauciata!
Gem. Ma che cauciata! Nun avite appaura, nce stongo io ch’arreparo a tutto... Signò, venite cu me, jammo dinto (a Concetta e Pupella. Escono tutte e tre dalla porta a sinistra).
Conc. Andiamo pure! Pe’ me nun se ne po' addunà, pecchè io la cuntessa la faccio bona assaie (uscendo dopo Gemma e Pupilla).
Fel. Me ne so’ accorto!... Ha ditto chelli quatte ciucciarrie!.... lu pede, la cassarola,...
Eug. E voi no? Lu fegato, lu pulmone, la milza....
Fel. Io ve l’aggio ditto. Riguardo alla malatia, io nun sapeva che aveva dicere.
Eug. Ma stateve attiento, D. Felì!
Fel. Nun dubitate... Ma quanno se mangia?
Eug. Da qui a momenti.
Fel. Capite! tengo nu poco d’ appetito.
