Chesta paggena è stata leggiuta.
80
eduardo scarpetta
Comme si avesse fatta sta gran fatica.... Haje magnato e vevuto comme a nu puorco!
Bias. D, Viciè, m’aggio fatto doie butteglie de lunella.
Viciè.. Mo' te la faccio vedè io la lunella... dint’ ’a lu puzzo! Va llà, va miette li lampiuncielle dint’ ’a lu ciardino.... Nn’ aje da mettere cchiù?
Bias. Nonsignore, sulo sti duie.
Viciè.. E va li immette, fa ampressa, pecchè chille mo’ escono, e lu patrone le vo*' fa piglià lu ccafè mmiezo a lu ciardino.
Bias. Va bene, simme leste... D. Viciè, io lu ccafè lu boglio amaro (via barcollando per la porta, che conduce in giardino).
Viciè.. Mannaggia ll'arma de mammeta! Chillo, vi’ comme s’è cumbinato!
Gaet. (entrando) Gue’, Viciè, lu ciardino è pronto?
Viciè.. Sissignore, cavaliere eccellenza.
Gaet. Bravo!... La guantiera cu li tazze, miettela ncoppa a lu tavolino che sta vicino a lu trillace.
Viciè.. Sissignore.
Gaet. Viciè, aggio fatta na bella figura! Quanno hanno visto lu servizio d’argiento dorato, so’ rimaste cu li bocche aperte!... E po’, comme hanno magnato!... Dicene che li nobele magnene poco. Nun è overo, so’ tutte chiacchiere!... Chille magnene cchiù de nuie!... Nce sta specialmente lu marchese Favetti, mamma mia, e che s’ha magnato chillo!... E la contessa del Piede!... Che bella lopa neh... Io già n’aggio avuto piacere!.. Nun te può immagina comme sto allegro stasera!
Viciè.. Pe mill’anne, cavaliere eccellenza, pe mill’ anne!
