Chesta paggena è stata leggiuta.
81
miseria e nobiltà
Gaet. Grazie. Aggio fatto pace pure cu figliemo Luigino. Chillo è benuto pe’ tramente steveme a tavola, che aveva fa?
Viciè.. Se capisce!... E po’ sempe figlio v’è!
Gaet. È giuvinotto, vo’ fa lu scicco, se vede senza nu soldo, e m’arrobba... Ma mo’ ha giurato che nun lu fa cchiù, m’ha vasato la mano doie vote... Intanto mo’ stongo cu nu penziero... A tavola s’è assettato vicino a la cuntessina, e nun hanno fatto auto che parlà zitto zitto tutte e duie. Io ncuorpo a me diceva: « Mo’ vide che se n’addona la contessa, e ccà nce ntussecammo la serata! » Ma, furtunatamente, nè la cuntessa, nè lu princepe e nè lu marchese se ne so’ addunate.
Viciè.. Menu male!
Gaet. Voglio vede comme fa lu ciardino illuminato.
Viciè.. Io vaco a piglia la guantiera cu li tazze, (via pel fondo. Gaetano via pel giardino).
Voci (di dentro) Brindisi! Brindisi!... Vogliamo un brindisi!
| Luig. (di dentro gridando) | Bevo, e fo brindisi, |
Voci. (c. s.) Bravo! Bravo!... Molto bene! (tintinnio di bicchieri).
