Paggena:Montecassino - Ferdinando Russo.djvu/31

- 29 -

Scummunicato, io Ile parlaie ’e Dio
ca me l’aveva scesa dint’ ’o core;
e Ile dicette : — T aggia ave, sul’ io !
E seguitaie, busciardo, ca l’Ammore
era na cosa santa ’e Paraviso...
E fui nu nfamo l E fui nu ngannatore !
Pecche ggiuraie — (ah, fosse muorto acciso!)
ca mai raggio cchiù bello ’e sentimento,
dint’ a stu core, p’ Essa, m’ era sciso ?
Sia maledetta l’ora e lu mumento
ch’Essa ’o ccredette, e m’arapette ’e braccia,
abbandunata, pe me fa cuntento 1
Mo’ chiudo ll’uocchie; e veco a chella faccia
cchiù janca de na cera ’e sacrestia,
ca nun se move! E l’anema, me straccia!
Pur’ Essa, m’ ’o ffacette pe pazzia !
E quann’ io, nnanz’ ’e piede addenucchiato
Ile murmuravo ’a passiona mia,
cu l’uocchio niro niro e stralunato.
Essa redeva ! E me sparteva o core
ca se spaccava comm’ a nu granato 1