Paggena:Montecassino - Ferdinando Russo.djvu/33

- 31 -

*v Songo stato nu nfamo traditore,
ma me ne pento I Ma te voglio bene 1
Che t’aggia dì, pe te pruvà st’ammore ? •
« Si tu t’aprisse nnanz’a mme li vvene *
Essa me rispunneva, « e ’o sangue, a llave
mo’ sperperasse, mmiezo a mille pene.
io nun te credarrial ca male nn’ave,
chi male ha fatto ! E quanno m’ ’o ddicive,
io, nce credevo! E tu?... Tu me ngannave!... >
9
Me sento ancora sti pparole vive
dint’a sti ccarne, comm’a nu pugnale.
’A mana tremma; e piglia ’a penna; e scrive...
’O ssaccio, ’o ssaccio, c’aggio fatto male,
ma quanno fui cagnato, era sincero!
Dio ca me siente !... Famme ’o Tribbunale !
Dio ca me siente ! ’A voglio bene overo !
E miettancello, mo’ che m’ha lassato,
dint’ a lu core e dint’ a lu penziero !
Addò vive? Addò sta, penzanno a n’ato ?
E sape ca stu core, arzo da o’ ffuoco,
ha maledetta ’a vita, e, avvelenato,
mo’ se ne more, strutto, a poco a poco ? 1