Paggena:Montecassino - Ferdinando Russo.djvu/39

- 37 -

- 37 L’avevano vattuto e po’ nchiuvato,
e 1 l’avevano miso na curona
pugnente ’e spine; e ’a lancia int’ ’o custato;
e nfaccia ’a Morte, e sott’ ’a Passiona,
Isso sapenno ogn’ommo figlio a Dio,
tnurmurava pe nuie : — Patre!... Perdona!
Tutte, ponno pecca! Peccai pur’io 1
Ma tu, Luntana mia, bella e crudele,
tu nun te smuove, a ’o pentimento mio!
Auto che spogna ! Fui nu mare ’e fèle
ca me menaste ’ncuollo ! E so’ arrivate
li striile de chest’ anema, a li ciele!
Chesti ccarne, me pareno sbranate
da cientumilia cane furiuse
c’all’ antrasatto fósseno arraggiate !
De gocce ’e sangue st’uocchie se so’ nfuse,
e tu nun siente I... E tu nun te cummuove !...
’E pporte d’ ’a piata, se songo chiuse?
Tengo stu core puntiato ’e chiuove;
ma che te preme? ’O ssaccio già: vurrisse
ca s’ammentasse nu turmiento nuove!