Chesta paggena nun è stata leggiuta.
- 47 -
- 47 ~
E te redeva, ’o Cielo, auriuso !
L’Angele janche cu li scelle d’ oro
nzieme cu Dio t’ avevano confuso...
Benedicenno, tu parlave a lloro;
’e mmannave p’ ’o munno a chiammà gente
che cantasse cu te lu stesso coro !
Mannaminn’ uno, pure a me, lucente,
ca m’ abbagliasse comm’ abbaglia ’o Sole,
ca me sanasse tutt’ ’e patimente !
Io nun voglio cchiù spine, ma viole,
sciure ’e buntà, sciure d’ammore santo,
sciure de pentimento e de cunzuole !
Aggio sufferto, aggio penato tanto!...
M’ aggio tanto chiagnuto ’a vita mia!
St’ anema mia pare nu campusanto !
Tu sulo può sanà sta malatia
cu na parola ’e pace a ’o peccatore
ca s’ è mettuto pe la bona via,
tu, Patre santo, e santo Prutettore...!
