Paggena:Montecassino - Ferdinando Russo.djvu/63

- 61 -

Embè, t’ ’o ddico ! Doppo tanta pene,
chisto core nun esce jastemmanno
comm’ ’o furzato sotto a li ccatene 1
Sta sempe ccà, vicino a te, tremmanno...
E se ricorda ’e chello che 1’ ’e ditto...
Aprele ’e bracce, e lievele l’affanno !...
Isso cu ’o sangue sti pparole ha scritto 1
E porta, mmiezo a chesti vvene aperte,
’a medagliella ’e santo Beneditto !
Che ffa, ca pe campagne e pe desierte
va, vene, corre, torna e n’ è mannato
cu tutt’ ’e ssufferenzie c’ ha sufferte ?
Chello eh’ è scritto ncielo, è destinato !
E tu, ca da lu cielo 1’ ’e capito,
tu ’o benedice, pecche s’ è cagliato !
Senza na macchia, mo’, chiaro e pentito,
palpeta sempe, appriesso a chesta cella
addò t’ha visto e addò s’ è risentito !
Juorno sarrà, ca p’ ’a muntagna bella
ca se mette cu ’o cielo a fa l’ammnre
tutta verde d’aulive e de murtella.