che se capacita a quella vecchia fanatica de la mamma, lo si darà in consorte alla povera Giuseppina.
Mariella — A proposito, lassamenne j che tengo tanto da fa, coraggio D. Federi, e sperate.
Federico — E che buò sperà, ho perduto tutte le speranze.
Mariella — Jh, comme ve perdite ampressa, li ccose quando cchiù difficile songo, tante vote riescene facile. Basta, ve lasse che s’è fatto tarde. Ersi, statte bona. Signori miei, bona giornata.
Ersilia — Vieneme trova quacche vota (esce con Mariella poi torna).
Federico — (Vede Vorologio). Già so li 10, lasseme j a fa lo duvere mio.
Vicenzino — E nel medesimo tempo vedè la bardascia, che...
Federico — Vicenzì, lasseme! si me stime. (Ersilia torna). Signora mia, scusate dell’incomodo, e datemi licenza.
Ersilia — Servitevi.
Vicenzino — Aspè, mo t’accompagno no poco.
Federico — Me faje piacere.
Vicenzino — D.a Ersi comme restammo?
Ersilia — Vattenne mo che po ne parlammo.
Vicenzino — Mo dongo nu passaggio alFamico e p6 torno. Vedite, io so bello e buono, e quanno aggio ditto na cosa, chella ha da essere.
Federico — Vicenzì, io so doje ore ^he te sto aspettanno.
Vicenzino — No mumento. (ad Ersilia). A sorema Concettella non l’avite vista?
Ersilia — (Interdetta). No.
Vicenzino — Va bene, chesta è n’auta storia che pure ha da veni nchiaro. Si arrivo ad accertarme che quacche D. Purtuallino de chiste ha fatto sbertecellà a sorema, ve voglio fa vedè belli pecore abballà! A rivederci cara D.a Ersilia — Federi, iammoncenne.
Federico — Signora. (viano).
Ersilia — Auff l sto beneditto Vicenzino si rende seccante pe lo troppo ammore che me porta., la verità m'è simpatico, e me lo spusarria co tutto lo core, ma., nce sta no ma., la gioventù a lo juorno d’ogge, fa comme fanne 1 aucielle, posene, spezzuleiene e scappano. La verità, mi converrebbe piuttosto un uomo a no 40, 45 anne. Chillo bonora de D. Timoteo, lo miedeco, pare che avesse voluto fa addavero; ma so vinte juorne che non lo veco; dicette che jeva fore
