Felice — ( Uh! mamma mia! )
Alessio — E lo scopo è chisto. La vecchia sta mpurpata assale;io c Timoteo tenimmo nuje le mani in pasta, simme li padrune se po dicere dinta a la casa; ma si la bardascia si marita co n'auto, addio dritti di padronanza, onde si è parlato di te, ti abbiamo fatto tutti gli elogi possibili, la vecchia te vo vedè, e oggi, a mezzogiorno sei aspettato in casa, Via Borgo S. Antonio Abate N. 15.
Felice — E site sicuro che io sarò accettato?
Alessio — Sicurissimo. Una difficoltà nce stà.
Felice — Ah, nce sta na difficoltà?
Alessio — Ma si appianerà.
Felice — E qual’è sta difficoltà?
Alessio — Aje da sapè che la vecchia odia tutti quelli che portano gli occhiali; pe cierti motivi che poi ti dirò.
Felice — E allora è tiempo perduto, io porto l’occhiale.
Alessio — A chesto s’è penzato.
Felice — E comme?
Alessio — Non si è detto che tu sei miope.
Felice — E chella non me vede che io tengo gli occhiali?
Alessio — No, verrai senza occhiali.
Felice — E come è possibile veni senza occhiali, e io tozzo, io tozzo.
Alessio — No poco de pacienza e non tuzze, e non dubità che lo matrimonio se farrà a vapore, e dopo sposato po...
Felice — Me metto gli occhiali, papà, jatevenne, vuje che ine vulite fa fà!
Alessio — Felì, non ghi trovanne difficoltà, cheste so occasioni che una vota capitano nella vita, e non nce 1 avimmo da fa scappà. Penza che è la fortuna pe nuje e Se tu me scombine, cagionerebbe la mra rovina, la mia miseria, perchè chella sposannose n auto, io fenarria de gallià, e pe conseguenza tu pure, nce jammo dinto a lo nietto, noi diventeremo ricche.
Felice — (Vuje vedite che mbruoglie, io so marito e padre, e papà vo...).
Alessio — Feliciè, fa comme te dice papà tujo, e tutto riuscirà buono; io mo vaco ad annunzià la tua venuta, e pe miezojuorno t’haie da trovà Uà.
Felice — Ma papà, si se potesse...
Alessio — Felì, ma che è sta tua incertezza, se tratta de sposarte na gioia de figliola, piglià na dote de cam
