Felice — Io po non nce voco.
Concettella — Non mportu (lo spoglia) lasemele tirà lo calzone.
Felice — No, io non tengo cazonetto.
Concettella — Corchete Feliciello mio, che guajo, che guajo!
Felice — Ah, come ncasa, come ncasa!
SCENA VIII.
Ersilia, poi Vicenzino, poi Ersilia e Timoteo, infine Vicenzino ed Ersilia.
Ersilia — Neh, che so stì strille?
Concettella — Rfeliciello tene no dolore sotto a lo core.
Ersilia — Aspettate, dinto ncs sta D. Timoteo, chillo è miedeco.
Felice — (Allarma vosta! chillo è zi zio)! (Concetta si accosta a lui ed Ersilia entra a sinistra). D. Ersì, trovate no mezzo pe ne fa j a Concettellà, io aggio da j a fa no servizio, nun pozzo j co essa.
Concettella — Ah! birbantone! nfamone!
Felice — (Uh aggio parlato cu essa, mannaggia la ce~ caria!) (si alza e cala sul letto).
Concettella — Addò haje da j birbante assassino, parla?!
Felice — Concettella mia!..
Concettella — Lo boglio sapè, o me te strafoco!
Vicenzino — (Di d.). Va buono, va buono, aggio capito.
Concettella — La voce de fraterne!
Felice — Oh! mo simme accise! Annascunnete Uà dinto. (indica a dritta).
Concettella — Si, ma mo me porto li panne e l’occhiale, accossì non ghiesce. (prende soprabito, gilè, e occhiali e via).
Vicenzino — (Con scemis sul braccio che appena entra posa su di una sedia). Eccome ccà a me de ritorno, e., (esce Ersilia, e D. Timoteo).
Ersilia — Correte D. Timo.
Timoteo — Eccomi pronto. (Felice si mette la berretta da notte e si volta'). Che ve sentite?
Felice — Ah! Ah! Ah!...
Vicenzino — D. Ersi, dunche sò tornato pe..
Ersilia — Zitto, che l’inquilino mio sta morenno.
Vicenzino — Uh!...
Timoteo — Dateme lo polzo. (Felice stende il piede) Chisto è lo pede. Che se sente?
