Mariella — Uh! e comme?
{sc|Concettella}} — ( Po te conto.) Signò, volite vedè lo cappiello?
Timoteo — SI, sì, vedimmo sto cappiello. {Concettellà lo caccia dallo scatolo).
Giuseppina — (osservandolo). Bollo!
Timoteo — Veramente scicco, non è overo, D.a Angelarò?
Angelarosa — È grazioso, D. Timo.
Concettella — Signori, volite vede come ve va? •
Giuseppina — Sì, sì (se lo mette').
Concettella — Ve sta proprio n’amore.
Mariella — Overo parite bella, signori.
Timoteo — Chesta è l’ultima moda?
Concettella — Gnorsì.
Timoteo — Me pare na carta senapata quanno s’arriccia.
Giuseppina — (Si osserva allo specchio). Sì, me sta buono nfaccia. Resta d’assodare de qua colore s’a da mettere lo fiore.
Concettella — A piacere vuosto, comme me dicisteve, ve n’aggio portato duje, uno bianco e l’auto rosa, chillo che cchiù ve piace nce metto.
Giuseppina — Comme ve pare neh, mammà?
Angelarosa — Miettaneello bianco, accossì lo portava pure io, quanno facette la primma asciuta appoggiata a lo vraccio de sto birbantiello
Timoteo — (Dalle dà).
Angelarosa — Ti ricordi quei magnifici fiori d’arancio che scendevano da questo lato?
Timoteo — Si me ricordo i fipri d’arancio? io me ricorde pure chillo mellone de pane che scenneva da chesta auta parte.
Angelarosa — E non te ne vuò j lazzariè, pazzea sempe (lo carezza).
Timoteo — ( Puozze passa no guajo, sta caudara de patane sfatte! )
Angelarosa — Mettitencello bianco.
Concettella — Va bene. Allora permettete, (siede e lavora).
Angelarosa — Fate liberamente, anze pe non darve suggezione, ve lassammo sola. Viene Giuseppi- D. Timo damme lo braccio.
Timoteo — Eccolo ccà {Angelarosa si appoggia con abbandono). (Mo parte lo treno merci) (viano).
Concettella — (Lavorando sospira). Ah!
Mariella — Concettè, che bonora t’è succiesso?
