io songo na misera modista, non tengo niente, invece chella f da sittnoi ma, tene na dote, c pe conseguenza ve conviene cchiu chdla che io; e bravo!.. sposatella... u» me rassegno, e me ne vaco... (/o prende per la mano e lo porta avanti). Ma te sì scordato però che nuje temmmo na criatufa; na povera criatura che vene a lu munno, senza sapè chi è lo padre.
Felice — Eh, sarà la prima.
Concetta — Embè, io me la cresco, io faticarraggio pe darle a magnà, e quanno se fa gruosso e m* addimmanna neh mammà, papà addò sta?
Felice — Eccolo ccà.
Concetta — No, io le conto tutto lo fatto, le dico tutte cose, e po lo porto ncoppa a la casa toja, tu vedennome faje vedè che non me cunusce; ma io dico si non conusce a me, guarda, conusce a figlieto, vide comme s’è fatto bello gruossc, chisto è sango tujo... figlio tujo... Che? le vuò vasà la mano? Nonsignore, non se lo mmereta... jammoncenne figlio mio, jammon* cenne, lo Cielo, lo Cielo nce ajutarrà (piange).
Felice — Concettè, viene ccà, tu m’aje fatto fa no pizzeco, te giuro, che io a te voglio bene. *
Concetta — Niente, non te credo cchiù. Primme me volive bene, ma po l’ammore tujo, è ghiuto sempe a diminuì.
Felice — Ma no, co sti parole che m’haje ditto, m’è cresciuto, m’è cresciuto! Papà dicesse chello che vo,ma io non te pozzo lassà! Sono deciso. Annascunnete dinta a sta cammera», e a n auto ppoco, te vengo a piglià, e ncè ne scappammo.
Concetta — Feliciè, ma tu me nganne?
Felice — Ma no, che non t’inganno. Venene gente, trase {la spinge la porta a dritta e chiude). Papà diciarrà buono, ma se isso è padre, io pure so padre!
SCENA IX.
Timoteo, e detto, poi Mariella e Concetta, poi Federico indi Mariella.
Timoteo — Neh, Feliciè, e non viene? haie pagato la modista?
Felice — L’aggio ditto che venesse dimane, pecchè zizì io non teneva manco treccalle.
Timoteo — Pure na paccariata te faccio, non tenive manco treccalle, e te miette a fa lo splendido.
