Felice — Pe non fa vedè.
Timoteo — Tiene ccà, chesta è na carta, pagala, io tengo 6000 lire che Alessio ha esatte, (le mostra), lo riesto mo lo inetto dinta a sta scrivania (esegue. Felice va a guardare); jammo che chelle te stanno aspettanno... aspè, giacché mo ncè trovammo, te voglio fa vedè la stanza che t’aggio assegnata pe stanotte, pecchè tu rieste ccà, è convenuto.
Felice — (Mamma mia, comme faccio!),
TiMOTEO — Chestaè adattata pe te. (indica quella dove sta Concetta). Viene la vide (per entrare).
Felice — (lo ferma) — No, no,
Timoteo — Comme, no, non te piace?
Felice — No, dico, lasciate sta, pecchè pigliarve sto fastidio, quanno me 1 avite scelta vuje, basta.
Timoteo — Allora jammoncenne dinta a lo ciardino.
Concetta — (Fa capolino) — (E accossì?).
Felice — Mo vengo, mo vengo. (Spinge Timoteo nella 2a porta a sinistra e via con lui).
Concetta — (Uscendo)—Lo ’nfame se ne ghiuto, ma si isso non torne, scenno io abbascio a lo ciardino, e me lo magno a morze.
Mariella — Guè, Concettè, che haje fatto?
Concetta — Nc’aggio parlato.
Mariella — E che t'ha ditto?
Concetta — Ha ditto che lu padre 1’ a fatto vent ccà, ma isso a me me vo bene e che mo torna e se ne scappa nzieme co me.
Mariella — Ma tu ccà non staje bona, si te vedono... Ah! sento remmòre... aspè, mo t annasconno dinta a la cammera mia.
Concetta — E Feliciello?
Mariella — Te lo porto io stessa, (viano 2a porta a dritta esce Federico).
Federico — Non tengo cchiù capo, vaco pe fa na cosa, e ne faccio n auta. Sto cancaro de sposo, m à fatto perdere li cervelle. Me dispiace che se fatto tarde, ino sonene 24 ore, e io ancora... Vene isso da chesta parte, (si nasconde dietro la specchiera).
Felice — (esce in punta di piedi. Va alla 1 ^ porta a dritta, apre e chiama)— Guè Concettè?
Federico — A chi chiamma?
Felice — Quanno tutte vanno a tavola, io vengo zitto zitto ccà, me piglio li 6000 lire che zi zio ha chiuso dinta a la scrivania, e nce ne scappammo a na parte
