de chesta. volimmo fa tanta cose belle, non te movere da lloco, che nisciuno m*a visto a me.
Federico — Eh!.. (Felice via per la 2a porta a sinistra ballando). Seh! fatte pure na ballata! Mamma mia che aggio ntiso, tutto chesto ncè sta sotto, te voglio accuncià io te voglio. E sta Concettellà chi è? (esce Mariella).
Mariella — (Povera compagna mia come sta sbattuta).
Federico — Guè Mariè, non saje niente?
Mariella — Che cosa?
Federico — La sorte se sta scetanno pe me.
Mariella — Avite pigliato quacche terno?
Federico — Eh, altro che terno. Mo mo, lo sposo de Giuseppina...
Mariella — D. Felice?
Federico — Sì D Felice.
Mariella — Embè?
Federico — Non accorgennose che io steva ccà, s’è accostata a chella porta e ha ditto: Concettè, quanno tutte vanno a tavola, io vengo, me piglio li 6000 lire che zi zio ha chiuso dinta a la scrivania, e nce ne scappammo a na parte de chesta.
Mariella — (Che pozza ceca ntutto e pe tutto, ne facesse una bona)- Avisseve pigliato quacche sbaglio?
Federico — Tu qua sbaglio, l’aggio ntiso co li r.ecchie meje, e quanno se n è ghiuto s’è fatto pure na ballata; mo vaco a dì tutte cose a Da. Angelarosa. (p.a.).
Mariella — Ma no, sentite..
Federico — Tu sì pazza, non voglio perdere no minuto de tiempo, lovoglio rovinare (via 2a porta a sinistra).
Mariella — Mamma mia, e comme s’arreposa? Arrubarse 6000 lire! Aspè, la primma cosa è de fa scappa Concettellà, pecchè si la trovano annasccsta dinta a la cammera mia, ccà succede no guajo. Si, mo la faccio asci guattta guatta.
SCENA X.
Federico, Angelarosa e Timoteo, indi Mariella.
Angelarosa — Vuje che me dicite?
F ED ERICO — La verità.
Timoteo — Neh, che è stato?
Angelarosa — Zitto, pierde la lengua.
Timoteo — Ma che è stato?
