SCENA VI.
Alessio, poi Timoteo, indi Angelarosa,
Giuseppina — e Federico.
Alessio — Mo profitto de chesta occasione, e me presento a D. Ersilia, la padrona de casa de figliemò, pe dire che me piace, e che me la voglio spusà —Che i d’èia portinaia sta all’oscuro. Neh, portinaia?
Felice — Papà.
Alessio — D.a Ersilia sta ncoppa?... eh, e ccà non risponne nisciuno, non ncè starrà la portinaia, basta mo saglio (comincia a montare le scale).
Timoteo — Moglierema se crede che io sto correnno appriesso a Felice e io vengo a cena co Ersilia, se vanno a fa squarta, pure li 6000 lire (si avvicina al casotto'). Carme?
Felice — Meglio! zi zio!
Timoteo — (forte)—Carmè?
Alessio — (arrestandosi sulla scala)— Chesta me pare la voco de Timoteo.
Timoteo — (Si avvicina al finestrino)—Carmè, non rispunne, staje all’oscuro?
Alessio — Me sarraggio ngannato.
Timoteo — Io veco n’ombra, mo trase.
Felice — (una voce di donna) — Ah! aspettate, io sto ampettola (dal f ine stri no col fazzolettone in testa).
Timoteo — E che fa, io sono uomo di mondo.
Felice — Eh, voi siete no poco vizioso.
Timoteo — (Chesta non me pare la voce de Carmela).
(Escono Angelarosa, Federico e Giuseppina).
Angelarosa — Vedite che combinazione, l’avvocato mi° ha cambiato casa ed è venuto ccà.
Federico — Vogliamo salire?
Angelarosa — Lasciateme piglià no poco de fiato.
Timoteo — Carmè haje pigliato catarro?
Felice — Gnorsi.
Timoteo — Me dispiace. Neh. D.a Ersilia sta ncoppa?
Felice — Sissignore.
Timoteo — Tiene, (gli dà un soldo e monta le scale).
Felice — Come è splendido zi zio, m a date nu soldo.
Alessio — Uh! chisto saglie! (la 2a porta s’ apre e esce un servo).
