SCENA II.
Marietta, e dette.
Mariella — (di dentro). È permesso?
Ersilia — Chi è, favorite... (Mar ietta entra). Uhi Mariella!
Mariella — Buongiorno, comme state, state bone?
Ersilia — Ringraziammo Io Cielo. Ma che onori sono questi, t’haie fatte li denare.
Marietta — Sì, nce vonno li sacchetielle. Sapite che tengo l’occupazione soggetta. Ah! chi l'avesse ditto, che de tre compagne, una s’aveva da mmaretà, e dopo poco tiempo aveva da resta vedova, che si’ tu Ersilia mia. N auta aveva da riuscì modista, che è Concettella, o io doppo de tante disgrazie, aveva da ire a terni a f i la cammarera.
Ersilia — E che fa, so cose che succedono spisso a lo mutino. Ma comme da chesta via?
Mariella — Sò venuta a premura Concettella, acciò portasse lo cappiello a la signorina mia, che ogge ha da ‘ire a la passeggiata ncarrozza, e siccomme aggio saputo che stava ccà, accossì so’ sagliuta pe ricordarle la promessa. J’ la proponette a la patrona mia, dicenno che era brava, sollecita, non carestosa, e la verità non vorria resta busciarda.
Concetta — Lo cappiello è fatto, e primme de miezo juorno-lo venarraggio a consignà.
Mariella — Ebbi va! e si no chi la voleva sentere.
Ersilia — Pecchè è sofistica, sta patrona toja?
Mariella — Sofistica! Essa e la famiglia non se ponno capì nè a la sazia, e nè a la diuna. Figurete, na vecchia vedova, fanatica, e ndiavolata, la quale pecchè tene denare assaie no strafalario se l’à spusata, e isso fa la gatta morta dinta a la casa, ma io credo che fore... eh, l’amico non me persuade. No frate cugino de lo sposo s’è nghiummato pure nfamiglia, e pe non fa asci lo grasso da fore a la pignata ha proposta lo figlio sujo per marito...
Concetta — De chi?
Mariella — De la bardascia de la vecchia, na gioia de figliola, la quale in confidenza, io credo che annascuosto de tutte, facesse l’ammore co no giovanotto che vene in casa.
Ersilia — Ah! chesta è bella!
Mariella — Ersi, e tu che faie, te mmarite n’auta vota?
