Paggena:Oláo - Luigi Campesi.djvu/13

— 10 —

La spusaje senza niente,
La cammisa le mettette,
A la recchia li penniente,
Quatto anelle le facette,
Na casella l’accunciaje,
Bella, ricca, accunciolella,
No rilorgio l’accattaje
Co na guappa catenella;
De lenzole e biancarie,
Duje cummò nce ne jenghette,
E pe nfi la setaria
A lo lietto le mettette.
Nganna tutte perle fine,
Io volette che portava
Le guarnevano le rine,
Scialle tutte de gran pava;
No golio che lle veneva,
Mme sbracciava pe servirla,
A fecozze io mme faceva,
P’acclamarla e non sentirla.
Commannava essa a bacchetta,
Io zitto ed ammocciava,
Na pacienzia benedetta
Nce teneva e non sferrava.
Quacche vota me vatteva,
Forte pacchere sonava.
Ma io tutto me teneva,
Pe vedè si se stancava.
Nove vote a la concordia
Pe li vizie me mannaie
Pe non sta nguerra e discordia
Pure chesto lle passaje,
Ma all’urdemo voleva,
Ah! co scuorno lo confesso,
Che trasì ncas’ io aveva,
Quanno deva lo permesso.
Chisto fatto mme nquartaje,
Lo cerviello se ne jette,