Mo che a la vorza mia non c'è na maglia:
Signorelle, e pezzentelle,
Nulla chiù mme pò vedere,
Pecchè sbriscio, e liscio stò ;
Chi ha denare, e pò pagare
Fa le femmene cadere,
E fa chello che se vò.
Una vota la faccia, se m' affronta,
N'auta arronchia le spalle, se mme sente;
Chesta l' uocchie storzella,
E chesta, e chella storčeno li musse
Pecchè a la vorza non ce so ffelusse.
Se a le Cceuze mm' abbecino
Ogne tracchia mme delleggia,
E po dice: che cos'è?
Va a la forca, malantrino,
Passa nnanze scarfaseggia,
Sfratta, e scostate da me.
'N somma songo arreddutto
La smorfia de lo munno,
L' arrassate, ca tigne,
Lo jettalo, ca fete,
Mo che a la vorza non ce so mmonete:
Maro l'ommo sbentorato,
Che no stimma la mmegnole,
Quanno vene a mmale stato
Prova chello, che non vole.
Perzò chiagnenno dico:
Chi cade 'n povertà, perd' ogn'ammico:
Scompetura.
POE-
Digitized by Google
Paggena:Opere inedite di varj autori - Tomo I (1789).djvu/158
Chesta paggena nun è stata leggiuta.
148
Cuosemo Pezzente
